Taigh na Croiche

Blas na Gàidhlig air ar n-uisge beatha

2011-04-13T13:08:00.000+01:00

Air mo shlighe tro phort adhar Dhùn Eidinn, b'e mo chiad cheann-uidhe bùth an uisge bheatha. Mar bu dual is mar bu nòs. Se taisbeanadh de bhathar bho Glenmorangie a ghlac mo shùil is ainm Gàidhlig air cuid de na botalan aca.

Tha na freumhan aig ar deoch nàiseanta - mar iomadach samhla eile de chultar is nàiseantas na h-Alba – ri an lorg ann an cultar na Gàidhlig. Tha am facal fhèin ‘whisky’ ri lorg anns a h-uile cànan ach ‘s dòcha na cànanan às an tàinig e – Gàidhlig is Gaeilge.

Se na h-ainmean àite a’ chiad dubhlan do neach na Beurla agus mo thruaighe na chluinneas mi aig àmannan. Co-dhiù, tha a leithid againn de Ardbeg, Bruichladdich, Bunnahabhainn, Caol Ila, Bowmore is Lagavulin. Siud agad cuid de na h-Ìlich a-mhàin. Air a’ Ghalltachd gheibh sinn Glenkinchie an àrainn Dhùn Eidinn a bharrachd air Glen Goyne, Auchentoshan agus Bladnoch. Nas fhaide tuath, tha Glenturret, Dalwhinnie, Dalmore, Glen Ord, Allt a’ Bhainne, Aultmore, Ardmore, Dailuaine, Glendronach agus Mortlach. Cha bu choir dhuinn dearmad a dhèanamh air na gheibh sinn bhon chompanaidh aig Iain Noble ‘Pràban na Linne’. Se Poit Dhubh a chuireas iad air am botal fhèin de mhac na bracha a rinn taigh staile eile.


Bho Bhun na h-Aibhne

A-nis ge-tà, gheibhear iomadach tionndadh eadar-dhealaichte bho aon taigh staile. Bho Glenmorangie tha Quinta Ruban (se Quinta tionndadh den deoch port), Sonnalta, Lasanta agus Finealta. Tha Bunnahabhainn deidheil orra cuideachd is tha Darach Ùr, Cruach Mhona is Moine acasan. Tha Airigh nam Bèist, Blasta agus Uigedail aig Ardbeg. Chan eil aig Laphraoig ach Càirdeas. Ach deagh ainm agus abair thusa drama math. Aig Fettercairn tha Fior. Tha Bruichladdich is Port Charlotte cuideachd a' cur dreach Gàidhlig air iomadh botal aca. Nam measg tha Port Sgioba, Sin an Doigh Ileach agus San t-Seann Doigh.

Math fhèin. Ach cuin a bhios ar cànan ga cur am feum barrachd is barrachd air bileagan no sanasan mar chànan laitheil eile?

Mar chuimhneachan air Chernobyl

2011-02-08T20:26:00.000Z

Ged a tha saidheans air an t-uabhas a dhèanamh dhuinn - nach sinn a tha fad-shaoghalta air a sgàth? - tha e ceart is iomchaidh teagamhan a nochdadh an-dràsta sa-rithist. Gu h-àraid nuair a tha an taobh sanntach no cearbach de mhac an duine a' togail a chinn. Chan eil ann a-siud ach reusan. Ma tha sinn gu bhith ag aontachadh le saidheans fad na h-ùine gun a bhith ga cheasnachadh, tha cho math dhuinn gabhail ri creidseamh is saobh-chràbhadh mar a rinn sinn bho chionn linntean nuair nach robh fios na b'fheàrr againn.

Se aon de na h-eisimplearan as miosa de shaidheans a' dol far an rathad an tubaist niuclasach aig Chernobyl. Dh'fhàg an spreadhadh seo co-dhiù na miltean marbh is gus an là an-diugh tha clann air am breith a tha ciurramach ri linn an galar-gathachd a thig an cois stuth radiobeo. Eadhon ma ni ha h-ughdarrasan nas urrainn dhaibh gus a dhèanamh sàbhailte, se dh'fhaodadh tachairt - sa bhad agus airson ginealaichean as a dhèidh - a dh'fhàgas e gu h-àraid cunnartach. Siud agus an cosgais. Tha e cianail daor agus b'fheairrde sinn ar n-airgead a chosg air cumhachd buan a tha glan is saor.

Mar chuimhneachan air an tubaist seo, tha grunnan comhlan punc is roc a' cluich ann an Dùn Eideann aig toiseach a' Cheitein. Togaidh an giog airgead airson Clann Chernobyl a tha fhathast a' fulang. Tha e na bhuannachd cuideachd gum bi dà chomhlan an-lathair a' seinn sa Ghàidhlig. Siad Oi Polloi a tha rudeigin ainmeil sa bhios a' cluich gu cunabhalach an Alba is thall thairis. Comhla riutha, bidh An t-Uabhas, comhlan garaids-punc às an Eilean Sgitheanach.

Theirig ann no bidh gu maslach fann...

Strì ann an Sruighlea

2010-10-29T20:42:00.000+01:00

Tha e air tighinn am follais gu bheil comhairlichean ann an Sruighlea am beachd ‘foghlam na Gàidhlig’ a gheàrradh. Chan eil iad ge-tà airson an abairt siud a chur an cèill. Cha mhinich iad an e ‘foghlam tro mheadhan na Gàidhlig’ no an e ‘Gàidhlig mar dàrna chànan’ a th’aca nan intinn. No eadhon foghlam sa choimhearsnachd do dh’inbhich.

Tha e do-chreidsinneach gun tàinig plana mar seo am bàrr sa chiad dol a-mach. Le foghlam tro mheadhan na Gàidhlig, tha suas ri 75% den airgead a’ tighinn bhon a’ riaghaltas, chan eil Comhairle Shruighlea dol a shàbhalachadh tòrr airgid co-dhìu. A bharrachd air siud, tha a’ chlann feumach air foghlam agus ‘s fheàirrde iad an dà chànan seach aon a-mhàin.

San aithris HMIE air an sgoil o choinn ghoirid, fhuair clann na Gàidhigh 'math' airson an cuid foghlam fhad's nach d'fhuair an roinn Bheurla ach 'meadhanach'. Se foghlam tro mheadhan na Gàidhlig an slighe air adhart.

Ciallach? No cho tiugh ri Plug?

Co-dhìu, tha pàrantan aig Bungsoil Taobh na h-Aibhne fo iomgain mu dheidhinn a’ chuis mar a tha luchd na Gàidhlig uile sa sgìre.

Cuir ris an iomairt gus Gàidhlig a dhìon agus adhartachadh ann an sgìre Shruighlea.

Seo foirm air-loidhne gus gearain a dhèanamh dhan Roinn Foghlaim aca:

http://www.stirling.gov.uk/index/council/contactus/form-onlinecomplaints.htm?catid=278

No seo duilleag le liosta de na comhlairlichean. San dol seachad, tha cuid de na comhlairichean Toraidheach air gearan mu’n a’ Ghàidhlig san àm a dh’fhalbh.

http://www.stirling.gov.uk/councillors

Comann nan Dùthchannan Ceilteach?

2010-05-06T16:12:00.002+01:00

No, mar a thuirt Alaig Salmond, “a Celtic Alliance”. S mathaid gun robh esan a-mach air co-obrachadh eadar a’ Chuimrigh agus Alba, mar phàirt den Rìoghachd Aonaichte ach carson nach bu choir dhuinn an-dràsta barrachd a dhèanamh eadar Eirinn, a’ Bhreatann Bheag, Eilean Mhanainn agus a’ Chòrn?

An uairsin b’urrainn dhuinn gluasad dh’ionnsaigh neo-eisimileachd shlàn.

Tha an nàdar seo de cho-chaidreachas ag obair glè mhath dha na dùthchannan Lochlannach. Chan eil iad uile cho beàrtach ri Saudi Arabia ach tha an inbhe de bheatha anns gach aon de na dùthchannan siud co-dhiù co-ionnan no nas fheàrr na siud a th’againn an-seo. Nirribhidh gu h-àraid. Nuair a lorg Nirribhidh òla sna 70an, cha do chosg iad an cuid saoibhreis sa bhad ach chuir iad cnap mhòr dheth dhan dàrna taobh. A-nis, tha còrr is £269billean aca sa bhanca. Is siud gan cùmail dòigheal le deagh sgoiltean, sàr sheirbheas shlàinte agus còmhdhail air leth.

Siud an-dòigh air adhart. Nis, a-mach dhan stèisean bhòtadh gus Alba shaor a thaghadh.

Ròc na Gàidhlig 2009

2009-11-07T17:21:00.003Z

Dà bhliadhna air adhart is tha RnG #2 romhainn. Gu mi-fhortanach, chan e turas fad' a tha seo ach aon oidhche ann an Dùn Eideann. Co-dhiù, chan eil sin na adhbhar ghearain idir. Gu h-àraidh nuair a gheibhear Oi Polloi, Na Gathan agus Atomgewitter air an aon àrd-urlar san aon oidhche. A bharrachd air sin, tha comhlan roc ùr gu bheith nan cois air a bheil Gadan Bolaidh. Chan eil fios sam bith agam mu'n deidhinn ach nach math gu bheil comhlam eile againn a bhios a' dèanamh rudeigin ùr leis a' Ghàidhlig.

Mar sin dheth, oidhche de phunc, 'dùr-nos' (mas e sin a' Ghàidhlig air hardcore) agus indie-rock. Cha chluinnear smid bho Chapercaillie.

San eadraiginn ge-tà, thoir sùil air a' bhideo seo a chaidh a chraoladh air a' BhBC o chionn bliadhna no dhà mu'n fharpais airson ceol ùr Ceilteach.

Ròc na Gàidhlig 2009 - Disathairne 28/11/09
Cafaidh na Coille/ Forest Cafe, Bristo Place, Dùn Eideann.

Gàidhlig sa Choille

2009-09-08T20:25:00.003+01:00

Ann an Dùn Eideann, tha àite air a' bheil A' Choille no The Forest ann an cànan nan Sasannach. Ionad inntinneach a th'ann mar mheasgachadh eadar Starbucks airson hiopaidhean agus taigh-cruinneachaidh airson nan ealan.

Chan ann tric a chluinneas tu guth Albannach, gun luaidh air a' Ghàidhlig, ann an àite mar siud ann an Dùn Eideann ach... thathar a' cumail clasaichean Gàidhlig ann. Tha iad saor san asgaidh cuideachd. Bidh iad a' ruith gach Diciadain mar sin sgaoil an naidheachd gu luchd na Beurla! Coltach cuideachd gum bi oidhche Ghàidhlig aca a dh'aithghearr le gaisgich nam fonn mar Oi Polloi, Na Gathan agus Atomgewitter a' cluich. Tha fadachd orm.

Theirig gu 3 Bristo Place, DE.

Adhartas ga aiseag a-null a Leòdhas

2009-07-15T18:36:00.010+01:00

Seo agaibh e! Aiseagan na Sàbaid mu dheireadh thall eadar Ulapul is Steòrnabhagh. Tha na Clèirich a’ cur as an corp mu bhriseadh fois is eile ach feumar cuimhneachadh gun cuireadh iadsan stad air cha mhòr a h-uile rud a ghabhadh dèanamh ann an Leòdhas.

Cluich air a’ choimpiùtar? Coiseachd air an tràigh? Sgriob chun a’ mhonaidh? Ball-coise sa phàirc? Cuairt air an rothar agad? Barbeque?

A-rèir an fheallsanachd chumhaing aca, cha dèanar air Là na Sàbaid ach ùrnaigh dhan dia aca. Chan eil e gu diofar nach eil mir fianais ann airson dia sam bith – spàrraidh iad an cuid creidseamh ort co-dhiù. Mar as luaithe a thèid creidseamh à bith sann as fheàrr.

BNP - cho tiugh ri cac is a cheart cho cailear

2009-05-30T17:20:00.005+01:00

Gu mi-fhortanach, tha e coltach gun dèan pàrtaidhean beaga an taobh dheis beagan adhartais san taghadh Eòrpach. Bhoill, ann an Sasann co-dhiù agus ‘s mathaid ann an Glaschu cuideachd. Tha leth-chiallaich mar a’ Bhnp agus Ukip làn chac.
‘Eil sinn ag iarraidh a bhith ri cogadh gun sgùr an-aghaidh ar nabaidhean? Chan ìongnadh e ‘s gu bheil na pàrtaidhean siud loma làn Little Englanders is gràin aca air rud sam bith a tha 'coimheach'.

Co-dhiù, bha e na chuis-gaire dhomhsa – is cha bu bheag siud! – lorg a-mach gu bheil a’ bhileag aig a’ Bhnp rudeigin ‘cein’! A-rèir choltas, tha an luchd-obrach à Oregon, na Spitfires às a’ Pholain agus na seann daoine ann às an Eadailt.
Bnp – cho tiugh ri cac a’ choin is mil’ uair nas salaiche!

Eaglaisean an uchd a’ bhàis ach fhathast buaireanta

2009-05-11T19:36:00.003+01:00

A dh’aindeoin ‘s gu bheil ar beathannan air an riaghladh le reusan is tonaisg, tha fhathast iadsan a chumas a-mach gu bheil iadsan sònraichte air sgàth ‘s gun do ghabh iad ri beachdan is smaointean nach gabh dearbhadh. Ged a tha eòlas no saidheans na phàirt riatanach de bheatha an là seo, tha luchd saobh-chràbhaidh anns an h-eaglaisean fhathast airson tilleadh dha na làithean nuair a bha cumhachd aca. Is nach iad na laithean a bha dorcha is mi-thaitneach.

San Eilean Sgiathanach, tha diofar treubhan bho na h-eaglaisean Clèireach an amhaich a-chèile airson greim a chumail air toglaichean a bha uair aig aon aca, mus do dhealaich iad. Tha Eaglais na h-Alba a’ cur impidh air BBC Alba barrachd prògraman creidseamhach a shealltainn. Agus seo, a dh’aindeoin’s nach eil ach 1 ann an gach 10 a’ frithealadh eaglais. Nach eil iad riaraichte leis a’ chac is gòraiche a thèid craoladh gach là fon tiotal ‘Smuain na Maidne’?

Chan e cinneadh a th’ann an creidseamh. Se beachdan aosta aig nach eil smior de dh’fhianais ris an do ghabh iad gu saor-thoileach. Lifestyle choices, mar a chanar sa chànan eile. Tha iad saor gus beachd sam bith a leantainn ach am bu choir dhan staid no luchd-pàighidh nan cìsean a sheasamh?

Cum creidseamh dha na taighean is eaglais aig na daoine a tha faoin gu leòr a leantainn. Cum creidseamh taobh a-muigh ar sgoiltean is meadhanan. Tha coir aig clann a’ bhith a’ ceasnachadh, deasbad is reusanachadh, chan e dìreach beachdan a shlùgadh.

Leabhar ur is ceol roc na Gàidhlig

2009-04-29T20:13:00.002+01:00

Nach math gu bheil UrSgeul a' dol bho neart gu neart? Nach math cuideachd gu bheil cuid a Ghaidheil dana gu leor rudeigin ùr fheuchainn?

Mar sin dheth, ma bhios tu faisg air Obar Dheathainn air 15mh Ceitein, gabh a-steach dhan tachartas seo aig an fhèis WORD. Tha giog leis na Gathan as a dheidh.

Cha b'urrainn na b'fheàrr!

Ath-chuinge a thaobh BBC Alba

2008-11-29T13:33:00.003Z

Ath-chuinge/ petition (sa chanan Laideanach)gus BBC Alba a chur air Freeview. Carson nach eile am BBC a’ toirt seachad seirbhis dhan a h-uile duine a phaigheas cis teilidh?

Cuiribh ainm ris agus sgaoil e! Feumaidh tu a dheanamh ro 5mh Dubhlachd. Ri àm sgrìobhaidh, tha còrr is mile neach ann. De puta madre! Cho math ri cac Iain Luim!

Ath-chuinge an-seo. Ainm ris!

Punks agus Mods san Eaglais Bhreac

2008-10-09T13:16:00.001+01:00

Fàire! Giog san amharc! Mu dheireadh thall ach tha ceòl math inntinneach gu bhith aig a’ Mhòd. Uill, air an iomall co-dhiù. Agus co na b’fheàrr airson a Mod Fringe a chrathadh ach Oi Polloi agus Na Gathan. Cùmhachd, fuinn, faclan mi-mhodhail agus daoine àraid.

Faic iad aig:
Behind the Wall, An Eaglais Bhreac, Diluain 13h Dàmhair. 7.30f agus saor san asgaidh.

Eilean Chathair Amain - Eilean nam Punc

2008-07-29T10:46:00.004+01:00

Uill, cha Hebridean Celtic Festival e ach bidh e tachairt ann an eilean co-dhiù. De th’ann ach ‘Eilean Phunc 2008’. Tha e gabhail àite a’ bhliadhna-sa air Eilean Chathair Amain, no Cramond Island sa chànan eile air Disathairne 16mh Lùnastal.

Gu h-ìongatach, bidh Niall Iain bho BBC Alba an-lathair gus rudeigin a dhèanamh airson a’ phrògram ciùil Rapal. Cia mheud punc no Gaidheal aig a bheil meas air tachartasan annasach a bhios ann? Se tìde a dh’innseas. Cò tha cluich? Uill gu ruige seo cha chreid mi nach bi ann ach Oi Polloi aig a bheil a’ Ghàidhlig. Ach, tha comhlan ‘meatailt’ air a bheil Ablach gu bhith ann cuideachd. Ainm math co-dhiù! Coltach nach bi Cliar ann ge-tà. Nach truagh sin.

Bu mhath leamsa Na Gathan fhaicinn. Mar sin dheth, dèan iarrtas air an son! Mura h-eil iad ro mhòr airson tachartan mar seo a-nis...

Làrach Eilean Phuinc

Ùr Nòs, Ar Nòs

2008-06-15T20:05:00.009+01:00

Air an t-seachdainn-sa, chìthear farpais ùr beòthail – tha sinn an dòchas! - aig Eden Court ann an Inbhir Nis. Se fath ‘Nòs Ùr’ òrain a chur air adhart dha farpais Eòrpach a tha na nàdar de Eurovision airson mion-chànain. Gheibhear farpaisich a’ seinn anns a’ Ghàidhlig, Cuimris agus.... a’ Bheurla-Ghallda! Ach, chan eil anns an òran ‘Scots’ – air a sheinn le Davy Tait - ach Beurla àbhaisteach leis a’ chorra fhacal mar ‘wis’ agus ‘doon’. Mar na Broons ach as aonais a’ humour.

Gu ruige seo, tha m’airgead air Oi Polloi. Comhlan nach eil ‘ùr’ ach a chluicheas ceòl nach eil tràidiseanta no ‘Gaidhealach’. Tha cuideachd stuth inntinneach – reggae is indie – às a’ Chuimrigh. Cus ‘folk’ fhathast ann ge-tà. Mar sin dheth, tha mi’n dòchas nach dèan folk sam bith a’ chuis air!

Theirig ann, no theirig air loidhne is bhòt.

http://www.nos-ur.eu/gaelic/index.html

Bhòt tràth, bhòt tric

2008-05-29T19:42:00.003+01:00

Tha trustaran is amadain a’ chac à Gallaibh ri mi-rùn a-rithist. Tha am pàipear ionadal, an ‘John O’Groats Journal’ air poll a chur air chois feuch a bheil a’ mhòr shluagh airson no an-aghaidh sanasan dà-chànanach. Siuthad ann - gu 'The Big Vote' - is cleachd gach bhòt agaibh mar bu choir!

Taigh Iain Ghrot gu dearbh.

Wendy...feuch e!

2008-05-11T15:55:00.002+01:00

Obh, obh is obhan ìri… nach i ‘Wendy the Mooth’ a tha na staing. Nach ann aicese a-nis tha fhios air cumhachd Lunnainn is God MacilleDhuinn air a h-innse nach gabh esan a-muigh no a-mach ri cunntas-sloigh air neo-eisimileachd dha Alba. Tha God Donn (agus B.Liar roimhe), is a chuid 'Moral Compass' air an treubh aige a shlaodadh cho fada dhan taobh dheas ‘s gu bheil coltas car ‘dearg’ air eadhon Daibhidh ‘Eton’ Camshron. Agus, leis a’ Phàrtaidh truagh Laborach cho ìosal sa pholls, ‘s math dh’fhaodte gu bheil crìoch an UK san amharc. Mar a thuirt i... gabh dha!

'S Trom Uallach an Aineolais

2008-03-08T15:49:00.004Z

No, ma chanas tu an dòigh eile e.... 's trom an ceann a tha làn chac. Tha sinn gu math cleachdte ri beachdan claon nan aona-chànanach is iad gun sgot air sealladh eile den t-saoghail ach am fear cruaidh Sasannach. Ach, seo e a-nis bho bhall den Phàrtaidh Nàiseanta? Air a’ Ghaidhealtach fhèin! An dòchas gun toir an SNP breab cruaidh dhan bhalgan-chac a tha seo mus sgaoil e barrachd sgudal is amaideas air feadh meadhanan ar dùthcha. Daibhidh Bremner, thig a-nuas.

Tha an creutair seo ag ràdh nach eil coir aig a’ Ghàidhlig a bhith follaiseach ann an Gallaibh. Mar tha, tha e air a chas a chur sa chàc. Chum e a-mach nach robh Gàidhlig a-riamh ga bruidhinn ann! An uairsin... ‘uill, se ‘economic migrants’ a bh’annta sa thàining an-seo sa 19mh linn’!! Cuideachd, tha barrachd ùidh aig muinntir an àite anns na Cruithnich sa Lochlannaich.

Gu dearbh, thug na Cruithnich is na Lochlannaich buaidh mhòr air an àite. Mar sin dheth, dè tha esan a’ dèanamh gus seo a leasachadh? A thaobh nan Gaidheal, am bi e cuideachd a’ cur an-aghaidh an aonaid sgoile Gàidhlig a bhios ann a dh’aithghearr? Dè mu dheidhinn an sgoil àraich a tha air a bhith ann fad 18 bliadhna? Agus am Mòd a thig dhan àite?

Nach cuir sinn uile ar beachdan dhan duine seo. Gheibhear foirm airson beachdan a chur thuige air an duilleag seo:

Duilleag aig David Bremner, buamalair...

Seachd searbh sgìth den SAA!

2008-02-04T22:18:00.002Z

“I’m so bored of the USA”, be siud faclan na Clash ach sa Ghàidhlig là no dhà air ais. Sann aig Na Gathan a bha iad. Cha b’ann dhaibh faclan bhàrd mharbh bho chionn caogad bliadhna no còrr ach briathran Joe Strummer.

Chluich Na Gathan mar phàirt de Turas Roc nan Cànan Ceilteach no Celtic Punk Connections. Tha iad air leth math cuideachd. Spòrsail, ceòlmhor is beòthail.

Bha Oi Polloi mar bu dual, a’ dol eadar ceòl trom luath agus rudeigin na bu dannsmhòire is binn.

Cha mhòr nach robh as seat’ aca gu lèir sa Ghàidhlig le òrain ùra Gàidhlig mar ‘Òigridh air na Sràidean’ is ‘Tha Sinn Air Ais’. Thug iad seachad leasan no dhà cuideachd mar ‘Gòrdon Brown – Pòg Mo Thon’. Olc a’ bhalaich, fèir olc.

Mu dheireadh, bha sàr chomhlan Breatannach, Les Ramoneurs de Menhirs. Dìreach air leth. Faic iad air You Tube. Sa bhad! Ceòl ruitheamach fonnmhor punc air a mheasgachadh le fuinn is òrain tràidiseanta à Breizh sa chànan aca fhèin an cois fuaim nam pìob Breatannach. Air leth dannsmhor is bha an èisteachd aig Henry’s Cellar Bar air an casan mar an ceudna.

Tha fadachd orm na trì comhlanan seo fhaicinn aig a’ Hebrides Celtic Festival. Chuireadh iad ceòl ùr air feadh na fidhle.

Turas Roc nan Cànan Cèilteach 2008

2008-01-29T20:38:00.001Z

Nach bochd nach tachradh rudan mar seo na bu trice! Ach tha tri comhlanan ciùil a tha Cèilteach gu cul an impis turas beag ann an Alba a gabhail os laimh. Siad Oi Polloi, Na Gathan agus nas inntinniche buileach 's docha, Les Ramoneurs de Menhirs as a' Bhreatainn Bhig. Seinnidh iadsan ann am Breatannais is cuiridh iad a' phiob Breatannach gu feum an cois ceol beothail punc. Nach math siud!

Gheibh thu caochladh meadhanach farsaing de cheol a-reir choltais, ach a h-uile puing dheth beothail is ùr-nosach. Cluichidh iad ann an Glaschu, Obar Dheathainn is Dùn Eideann air an t-seachdainn-sa fhèin. Bi ann no bi fann. Bas dhan t-sean nos!

Larach nan Gath

Les Ramoneurs air You Tube

Fèis Gheamhraidh gun Saobh-chràbhadh.

2007-12-24T10:22:00.001Z

Tha e ceart is iomchaidh aig am àm seo cuimhneachadh gu bheil sinn uile measail is airidh air fèis is fois ann an dubh a’ gheamhraidh. Se sinn a rinneadh bho chionn linn biathadh nan Crìosdaidh dha na Leòmhannan.

Mar a chaidh innise dhomh le sgoilear Crìosdaidh, chaidh Ìosa bhreith uaireigin san earrach, sa Mhàrt, tha e coltach. Tha buntanas aig an Nollaig againn ri iomadh cleachdadh pàganach. Mar sin dheth, faodaidh sinn cuimhneachadh duine sam bith... Ìosa no Allah, Cù Chulainn no Fionn, Thor no Odin... no dìreach ar cuideachd fhèin.

Ann an 2008 nach cuir sinn cul ri creidseamh?

Nach seall thu air Dawkins?

Bedtime for Democracy - Alba Twinned with Zimbabwe

2007-05-04T14:22:00.000+01:00

Obh, obh... rinn Labor a h-uile càil a b'urrainn dha gus an SNP a chumail a-mach ach na tanaichean a chur a-steach. Am bi Jack MacMugabe fhathast againn mar Numptie-in-charge?

Iognatach gun deach 100 000 bhot a 'sgrios'. Amharasach, fiùs...

Ach nochd beagan solais tro sgothan daorsa nam Breatannach... chaidh breab a thoirt do Al 'gun fheum' Moireasdan sna h-Eileanan Siar!

Tha an t-àm ann

2007-05-02T19:44:00.000+01:00

Seo an cothrom ar cul a chur ris a' Phàrtaidh Laborach is an cuid leisgearan mar Alastair Moireasdan. Complacent agus lazy ach nuair a tha iad a' caitheamh ar n-airgead air cogaidhean mi-laghail is urchairean gun fheum.

Seo cuideachd an t-am againn rudeigin a dhèanamh airson Alba, airson na h-arainneachd agus airson na Gàidhlig. Mar sin dheth bu mhath is fhiach e cros a chur mu choinneamh SNP, Uaine, SSP no Solidarity. Ach, eil a' mhisneachd againn an ceum a ghabhail?

Mar chuimhneachan: Gernika 70 bliadhna

2007-04-25T22:00:00.000+01:00

Dh’fheuch aon duine an dùthaich a chumail ‘aonaichte’. Dh’fheuch e dictatorship Faiseastach Chrìostaidh a chruthach. Dh’fheuch e na beàrtaich a dhìon an-aghaidh nan acrach.

Is shoirbhich leis.

Le cumhachd is beannachd na h-eaglaise, nam beàrtach, Hitler is Mussolini air a chul, chaidh aig Francesco Franco an Spàinn a chumail fo dhaorsa fad faisg air 40 bliadhna. Cha robh càil aig Franco dha iomdachd an rubha Iberian. Gu dearbh, bu lugh’ air muinntir Dhùthaich nam Basgach, an cinneadh as aosta rim maireann san Roinn Eòrpa.

Air Giblean 26mh, 1937, nochd feachd adhair Gearmailteach os cionn a’ ghlinne far na seas baile Gernika. Thàinig iad le cuireadh bho Fhranco fhèin agus b’e sàr chothrom a bh’ann dha na Nadsaich na h-innealan ùra bàis aca a chur an gnìomh. Libhrig iad teine is bàs bho na speuran is chaochail co-dhiù na ceudan.

Bhàsaich na ceud mìltean san Spàinn ri linn Franco. ‘If you tolerate this then your children will be next’, thuirt na postaran Poballach. Siad a bha ceart. Ann ceann dà bhliadhna eile bha Hitler air an Roinn Eòrpa is an saoghal an slaodadh dhan fhairge fhùilteach a dh’fhàg na milleanan marbh.

Tha e iomchaidh dha Albannaich sam àm seo seo chuimhneachadh is iadsan a dhèanadh Alba ùr adhartach gan dìon fhèin an-aghaidh brochan mi-chàilear de Naisteanas Breatannach. Taigh na croiche air British Nationalism – BNP, Orange Order, New Labour, Tories, Lib Dems... No pasaran dha luchd a' Bhutchers Apron!

Saor Euskal Herria. Saor Alba.

Bombing of Gernika, pios Wiki.

Sùil air cuid air taobh an Aonaidh

2007-04-21T19:41:00.000+01:00

Tha inneal nam breug aig Labor a’ cur thairis an ceartair is na Nàiseantaich fhathast air thoiseach air càch san iomairt airson Pàrlamaid na h-Alba. A bharrachd air Iorag, airgead airson urraman is cosgais de £20 billean no barrachd air urchairean Thrident, bhiodh e ceart is iomchaidh an-seo cumail nar cuimhne an làimhseachadh nàr de fhogarraich.

S iomadh sgeul a tha sinn air leughadh mu poileas a’ briseadh dorsan ann an ‘ruaigean a’ chamhanaich’ (no na h-infamous dawn raideachan mar chanadh Uibheastach an Glaschu!). Se toradh nan tachartasan tàmailteach a tha seo ach clann òga air an spìonadh às an leapanan is air an cur ann am prìosanan gus an tig an t-àm airson faighinn cuidhteas iad gu tùr.

Aig àmannan, se seo clann is deugairean a th’air a bhith an Alba fad bliadhnaichean aig nach eil ach mir eòlais air tìr am breith. Tha iad air toirt air bruid às na sgoiltean aca agus air an dealachadh bho charaidean.

A dh’aindeoin seo, thathar a’ cur às leth daoine – a’ gabhail a-steach an SNP, Na h-Uainich, SSP, Solidartiy agus daoine eile - a mhiannaicheas neo-eisimileachd dha Alba gur e ‘gràin’ fath an iomairt! Co-dhiù, nach beag an t-ìongnadh gum faic sinn ionnsaighean sgreataidh air coigrich ann an Alba le leth-chiallaich a tha air am brosnachadh le dol a-mach nan Laboraich, nan Toraidhean is nan caraidean sna meadhanan.

Thàinig an dealbh gu h-àrd à leabhar ùr - Anti Fascist - a th’air nochdadh a dh’innseas sgeul an t-sabaid an aghaidh luchd gràin-cinnidh sna 70an is 80an. Se daoine mar seo (abair master race!), am BNP a tha a-nisd a’ taladh bhotaichean bho Labor ann an cuid a sgiìrean ann an Sasann. Cò a dh'iarradh a bhith na phàirt den chomann seo? Airson fios air an leabhar, theirig gu....
http://www.myspace.com/martin_lux_antifascist

MacConnail a’ sireadh taigh ùr?

2007-04-15T14:48:00.000+01:00

Chunnacas am bodach seo a’ taisbeanadh a bheachd mu choinneamh a’ chaismeachd mu dheireadh aig Independence 1st (is a’ Ghàidhlig àiteigin as a dèidh?) bho chionn ghoirid. A-rèir nan cunntas-beachd an-dràsta, tha a h-uile coltas ann gun breab muinntir na h-Alba seachd dathan a’ chàc à tòn MhicChonnail air 3mh Ceitein. Taigh ur dha? Taigh na croich' air!

Tha an iomairt aig Làbor air a bhith gu math truagh agus tha seo air cur ris an sgìos a th’againn mu chogadh Ioraig, làimheachas-làidir an-aghaidh fogarraich, ruith sìos an NHS, sgoiltean ar dùthcha fo bhuaidh calpachais phrìobhaideach agus m.s.a.a.

Gu mi-fhortanach, cha bhi ann an-seo ach a’ chiad cheum ann an dealachadh bho Shasann agus tha fhios gun sgaoil luchd an Aonaidh an tuilleadh eagail sna seachdainneann tha romhainn. As bith ur beachdan air na pàrtaidhean, se ar dleastanas SNP, Uaine, Solidarity no SSP a thaghadh.

Dealbhan Rapach Eile bho Roc na Gàidhlig

2007-03-21T20:06:00.000Z

Tàing mhòr do Frau Hilgen airson nan tuilleadh dealbh a tha seo bhon a’ chiad oidhche de Ròc na Gàidhlig ann an Dùn Eideann an là roimhe. Chìthear an-seo Raonaid agus Gill’ òg an t-Sagairt à LL agus na meabanan àbhaisteach à Polloi – air an àrd-urlar is às!

Son tuilleadh fiosrachaidh air na comhlain chunnartach seo, cliog an-seo...
www.laluain.bebo.com
www.myspace.com/oipolloialba

Roc na Gàidhlig - breabadh is beothail an Dùn Eideann

2007-03-20T19:29:00.000Z

Thòisich Oi Polloi is Là Luain air turas ‘Roc na Gàidhlig’ air Didomhnaich ann an Seana Bhaile na Smuid, prìomh bhaile ar dùthcha. Ann an àite teann, ach iomchaidh, ris an canar Henry’s Cellar Bar, chuir Là Luain air dòigh caibideal ùr ann an ceòl ùr na Gàidhlig. Tha iadsan a’ cumail orra far na sgùir Mill a h-Uile Rud agus gu dearbh fhèin nach robh sinn eòlach air cuid de na h-òrain a chaidh cluich? Nach math siud ge-tà, bha iad beòthail is fonnmhor is Gaidhealach gu cul san nòs ùr.

Bha Oi Polloi air ghleus. Fìor dheagh mheasgachadh de òrain, tòrr anns a’ Bheurla bho na bliadhnaichean a chaidh seachad – an e siud 25 bliadhna a-nis? – ach an fheadhainn as ùire agus as ùidheile sa chànan againn fhìn. Mar bu dual is bu nòs, bha fèill mhòr air ‘Ramalair Ruisgte’ is mar shamhla air brìgh an òrain, chuir aon fhireanach dheth a chuid aodach. Plòigh gu leòr. Ach saoilidh mi gur e ‘Ar Cànan, Ar Ceòl’ fonn ùr aiseirigh na Gàidhlig – fonn cho math sa th’ann is faclan brosnachail, onaireach na chois. Is 'Union Jack - Thall is Cac' na shamhla air an Alba ùr tha gu bhith romhain as dèidh taghadh nàiseanta na Ceitein. Tha sinn beò an dòchas!

Gu mi-fhortanach, cha do chluich ‘Gra Granna’ an-seo ach ‘s ìonantach mur a nochdas iad a dh’aitgheàrr air a’ chuairt seo. Cuairt nam bàrd beò, siud a th’ann!

Droch Iseanan Ceòl Ur na Gàidhlig

2007-03-02T22:30:00.000Z

Teachdaireachd bho Dhroch Iseanan Ceòl Ur na Gàidhlig mar a fhuaireadh e...

Ròc na Gàidhlig - Rac na Gaeilge 2007
Crathadh Tìr nan Gaidheal

Tha ceòl nuadh na Gàidhlig beò agus breabadh agus deiseil gus crathadh a thoirt do Thìr nan Gaidheil bho cheann gu ceann. Aig deireadh a’ Mhàirt, gabhaidh trì còmhlanan-ciùil nuadh turas eachdraidheil tro Alba agus Èirinn, a’ chiad turas a-riamh de cheòl roc agus teacno uile gu lèir ann an Gàidhlig.

“Tha mi a’ dèanamh fiughair mhòr ris an turas seo,” thuirt Raonaid Alcorn, drumair ann an Là Luain, fear dhe na còmhlan roc air an turas, “ach tha beagan eagal orm, ag innse na fìrinne. Tha e a’ dol a bhith craicte!” Tha Raonaid à Èirinn o thùs, ach dh’ionnsaich i Gàidhlig ann an Alba agus tha i a’ fuireach anns an Eilean Sgitheanach a-nis far a bheil Là Luain stèidhichte.

Tha na ceanglaichean eadar Alba agus Èirinn pailt air an turas seo. Tha an dithis ann an Grá Gránna, an còmhlan teacno air an turas, roinnte eadar Baile Àtha Cliath agus Dùn Èideann agus ’s ann ann an Gàidhlig na h-Èireann a bhios iad a’ dèanamh an cuid ciùil.

Agus gus beagan cuideim a thoirt dhan bhileig, tha ròcairean cliùiteach, Oi Polloi, air an turas cuideachd. Chuir Oi Polloi clàr làn Ghàidhlig air bhog an-uiridh a choisinn tòrr luchd-èisteachd ùra dhan chòmhlan. Bha iad air an rathad tron Roinn Eòrpa, cha mhòr gun sguir fad bliadhna a-nis, ach b’ e seo a’ chiad turas ceart aca tro Èirinn agus Alba ann an ùine fhada.

Tha an turas a’ gabhail a-steach 13 bailtean uile gu lèir bho Luimneach gu Steòrnabhagh. Tha na còmhlanan gu sònraichte toilichte a bhith a’ cluich anns na h-Eileanan Siar. “Mar a tha fios againn uile, tha na bàtaichean-aiseig daor,” thuirt Ruairidh, an seinneadair ann an Oi Polloi, “agus tha e gu sònraichte doirbh do chòmhlanan fon-talamh mar sinne siubhail gu Steòrnabhagh, ach tha sinn toilichte an cothrom fhaighinn.” Tha an turas air a mhaoineachadh le taic bho Iomairt Colmcille.

18 Màrt 20:00 Dùn Èideann* Henry's Cellar Bar
20 Màrt 20:00 Glaschu* 13th Note
21 Màrt 20:00 Doire Masons Bar
22 Màrt 20:00 Sligeach Coolera House
23 Màrt 20:00 Gaillimh Sally Longs - an asgaidh
24 Màrt 16:00 Corcaigh An Cruiscan Lan - uile-aoiseach
25 Màrt 20:00 Luimneach Undergound, Bakers Place, Tait Square
26 Màrt 20:00 Ros Mhic Thriúin CDP Community Centre - an asgaidh
27 Màrt 20:00 Baile Átha Cliath* The Lower Deck, Bothar Portobello
28 Màrt 20:00 Béal Feirste* Laverys Bunker Bar
29 Màrt 20:00 Obar Dheathain East Neuk Bar
30 Màrt 20:00 Steòrnabhagh Pointers Youth Cafe
31 Màrt 20:00 Port Rìgh TBC
* Cha bhi Grá Gránna aig na cuirmean seo, gu brònach. Ní bheidh Grá Gánna ag na ceolcoirmacha seo, go brónach. Grá Gránna will not be at these gigs, unfortunately.

El Labarinto del Fauno – Ioma-shlighe den Ainmhidh

2006-12-03T11:16:00.000Z

Dealbh cho ùidheil, grinn, ealanta is puingeil sa chaidh a dèanamh fad greis mhòr. Tha e a-nis mu sgaoil aan ìre mhath air feadh na h-Alba. S math fhiach e fhaicinn ach dha na maoth-chridheach is iadsan aig nach eil càil dha seallaidhean cruaidh is mi-thlachdmhor, fuirich ris an DBhD.

Sa chiad dol a-mach, sann mu dheidhinn gabhail ris sa tha seo. Eil e ceart gabhail ri ùghdarras is cumhachd air a sgàth fhèin? Nas miosa, eil e ceart fùil nan neo-chiontach a leigeil air a sgàth? An gabh sinn ris gun cheasnachadh? Tà, tha iomadh cuspair is taobh eile fuighte ris an sgeul seo. Stèidhichte san Spàinn grunnan bhliadhnaichean as dèidh dhan Fhaiseastach Franco smachd fhaighinn chì sinn gu soilleir a’ bhuirbeachd a bha aig crìdhe an duine oillteil ud. Chì sinn a’ bhuaidh a th’aig seo air clann. Chì sinn gaisgeachd nan daoine chumanta a chum orra cur an-aghaidh riaghaltas Franco bliadhnaichean as dèidh dha na Poballaich an cogadh a chall. Mar shlighe airson seo uile, tha sgeulachdan arsaidh mu dhiathan nàdair is na daoine-sìth.

Sann a chleachd Guillermo del Toro uirsgeul, fìrinn, eachdraidh, macmeanma is uabhas mar stuthan sa bhrochan ealanta seo.

Buidheachas is urram dha.

Dòrainn san Òbain ach Lèintean Matha san Amharc

2006-11-25T20:43:00.000Z

Sann a chaidh aig na Laboraich aon 500 anam truagh a tharraing dhan Òbain an-de gus Balonaidh Blair a chluinntinn. A-reir aithrisean, bha faisg air 90% den oraid aige a’ cur an-aghaidh an SNP. Fianais, tha e coltach, gu bheil luchd an aonaidh fo iomagain mu taghadh na h-Alba a ghabhas aite sna mìosan a tha romhainn.

Thachair seo san aon seachdainn a b’fheudar dha Al ‘Qaeda’ Moireasdan, BPA lèisg airson nan Eilean Siar, mathanas iarraidh as dèidh dha ràdh gur e ‘faiseisteach’ a bh’ann am ball-pàrlamaid eile. Thathar a’ smaointinn gur ann air Rob Gibson a bha e a-mach. Se Rob ball Nàiseantach a th’air obair ionmholta a dheanamh air foghlam mu na Fuadaichean is gnothaichean Gaidhealach eile. An taca ri seo, se Alasdair mac a’ mhannsa a chuir a thaic ri riaghaltas Bhreatainn a’ ceannsachadh dùthchannan “3mh saoghal” mar Afganastan agus Iorag. Cogaidhean a tha air na ceud mìltean fhàgail marbh eadar muinntir nan dùthchannan siud agus fireannaich is mnathan òga a shabaid annta.

Mar sin dheth, nach mi bha cho sona ri sàgairt ann an taigh siùrsach nuair a chaidh m'aire a tharraing dha na lèintean-T aig a’ bhuidhean nàiseantach ‘Saor Alba’. Mar bu dual, chan urrainn dha na nàiseantaich seo tòrr Gàidhlig a bruidhinn ach... ar leam gu bheil an cuid lèintean rudeigin snasail. An e seo an lèine Gàidhlig as snasaile a chaidh dèanamh a-riamh? Chunnaic mi cuid eile a bha air leth math ri an reic air blog eile an aiteigin cuideachd. Agus tha fios agam gun robh a' bhuidhean 'FAS' a' reic cuid o chionn bliadhna no dhà. Freagairtean gu h-ìosal mas e ur toil e! Cuir aon an liosta airson Donas na Nollaig is cosg e le moit!

'SAOR ALBA' leintean-t ri an ceannachd an-seo.

Là gun cheannachd – 25mh Samhain 2006

2006-11-12T09:21:00.000Z

Nach math an smaoin seo. Le fèisean a’ Gheamhraidh a’ teannadh dlùth agus dha rèir, barrachd impidh ga chur oirnn ar n-airgead a chur bhuainn, bhiodh là far nach eil an cudrom sin ann na fhaochadh dhuinn uile. A thuilleadh air siud, tha e na dheagh chothrom air beagan fois inntinn a ghabhail. Chìthear sna bùthan aig an àm seo den bhliadhna gach uireasbhaidh daonna a’ tighinn am bàrr. Sannt is strì is daoine air an slugadh le cumhachd an t-sanasachd.

Sann a thoisich seo leis a’ bhuidheann Adbusters agus chan ann dhan t-slàinte againn fhìn a-mhàin a tha seo ach airson cor ar planaid. A bharrachd air siud, carson a dh'fheumas cuid mhòr den t-saoghail aig nach eil suim sam bith dhan taobh seo den chultar againne obair am bùthan fallais dhuinne?

Chanainn gur e sàr chothrom a tha seo airson onghail is amaideas nam bùthan is a’ bhaile mhòr a chur air ar culaibh is togail oirnn dhan dùthaich.

Tuilleadh eòlais an-seo:
http://www.adbusters.org/home/
http://www.buynothingday.co.uk/
http://en.wikipedia.org/wiki/Buy_Nothing_Day

Cumhachd gun chiall ach chan ann gun chunnart

2006-10-28T16:50:00.000+01:00

Thàinig cuis cumhachd niuclach gu bàrr air an t-seachdainn-sa nuair a bhruidhinn Seac ‘an Sgiort’ MacChonnaill mu dè thachradh dha sgudal niuclach ann an Alba shaor. Nam bitheamaid neo-eisimeil, a-rèir an Sgiort, cha b’urrainn dhuinn ar cuid treallaich a chur shìos gu na Sasannaich.

Cha b’ìongnadh ‘s gun do fhreagair na Nàiseantaich nach bu mhath dha na Laboraich cur sìos air na Sasannaich bhochda san dòigh seo. Am biodh an Sgiort cho deònach Poballachd na h-Eireann a chomhlaireachadh mu’n cuid sgudal niuclach?

Ach, fuirich tiotan. Chan eil a leithid de sgudal aig na h-Eirinnich. Mar an ceudna, tha gach dùil is dòchas agam nach biodh ann an Alba mas mo. Mar a chì is thuigeas mise a’ chuis, chan eil muinntir na h-Alba air a shon, a-muigh no a-mach. Mar sin dheth a Sheac, ma tha an rud seo cho sàbhailte, thoir do chasan leat a Shasann leis an sgudal agad agus na stèiseanan agad is cuir iad air dòigh an àrainn Westminster.

Tha ur cuid sguadal gun iarraidh.

C'est bon, c'est tres bon... ALBA 1 - AN FHRAING 0

2006-10-08T10:25:00.000+01:00

Dè cho math sa bha seo? Cha b'urrain dhan sgioba as fheàrr air an t-saoghail a' chuis a dhèanamh oirrn an-de aig Pàirc Hampden a bha loma-làn airson an tachartais eachdraidheil seo. Tha sinn fhathat beò an dòchas, beò nar bruadaran, ‘s mathaid. Ach nach math sin? Gura fada beò am bruadar seo! Fada seachad air Oidhche Chiadain san Ugrain co-dhiù!

An Ostair/An Eilbhis 2008.... tha sinn air ar slighe.

Caismeachd gun chànan

2006-09-30T17:29:00.000+01:00

An-diugh, thug na ceudan de nàiseantaich dha sràidean Dhùn Eideann gus iarrtas a dhèanamh airson cunntas-bheachd air cuspair neo-eisimileachd. Ach, an robh Gàidhlig ri faicinn air na sanasan, brataichean is bileagan? Aye right. Uill, bha Gàidhlig na h-Eirinn ann air bratach ‘Cairde na h-Eirinn’ ach tha e coltach nach urrainn dha na nàiseantaich againne cànan ar dùthcha-sa a chur an gnìomh.

Mar sin dheth, mur is urrainn dha na Gàidheil a tha an-sàs ann am buidhnean mar ‘Independence 1st’ – agus tha iad ann – cuin tha iad gu bhith ga cleachdadh? Nach biodh cleachdadh na Gàidhlig a’ cur ri ionnannachd na h-Alba agus sin, mar an ceudna a’ cur ris an t-sealladh de dh’Alba mar dùthaich air leth, le cultar is cànan air leth?

Ach a-reir nam balbh-Cheilteach a bhruidhneas as leth ‘Indy 1st’, chan eil cuisean mar chànan cudromach aig an ìre seo. Feumaidh sinn feitheamh gus an là a gheibh sinn Alba shaor. Saoil a-reist, carson a tha nàiseantaich Eireannaich, Basgaich agus Cuimrich cho deidheil air cleachdach nan cànan acasan? Tha mi gu tùr airson Alba shaor ach a bheil math dhuinn ar cànan a treigsinn san eadraiginn? Indpendence 1st and Gaelic sometime later, but the butcher's tongue in the meantime... seo agaibh dealbh de chaismeachd eile bho chionn linn crochadh nan croitear...

An cogadh air ceannairceas is dè dìreach a thachair...

2006-09-11T18:36:00.000+01:00

Press for Truth...

Air an là seo, tha na meadhanan làn den sgrios a thachair sna Stàitean Aonaichte. Ge bu chianail e gu dearbh, thachair an dearbh sgrios roimhe is tachraidh a-rithist e cho fad sa bhios ana-cheartas is di-chuimh' a' riaghladh ann an Lunnainn is Washington. Agus nach e tha a’ tachairt an-dràsta fhèin.

S duilich call bheatha sam bith ach tha làn thìde againn coimhead air dè as coireach agus dè is urrainn dhuinn dèanamh gus a leithid de rud a sheachdnadh san àm ri teachd.

Eadar Nicaragua is Vietnam, libhrig polasaidh cèin nan S.A. am bàs dha na ceudan de mhìltean, gun iochd, gun mhathanas. Agus an-dràsta, tha an ‘cogadh air ceannairceas’ ag adhbhrachadh barrachd cheannairceis air feadh na cruinne. A bheil sinn dhà-rìribh nas sàbhailte an-diugh sna bha sinn o chionn 5 bhlidhna?

Tha am fiolm 'Press for Truth' a-nis mu sgaoil. Tha e a’ sgrùdadh na thachair ann an New York agus an iomairt a tha iadsan a chaill buill-theaghlaich a’ dèanamh gus an fhirinn a thoirt gu fianais. Gheibhear an dà chuid air Bhideo Ghoogle, ro-shealladh aig 2 mhionaid agus am fiolm slàn fhèin. Clach air an càrn.

9/11Press for Truth: bhideo aig Google

An tuilleadh fiosrachaidh an-seo:
9/11 Press for Truth.

Athair nam mìle marbh

2006-09-08T21:19:00.000+01:00

Còrr is fichead sa còig bliadhn’ air ais, sann a rinn an comhlan punc cliùteach Crass iomradh air Thatcher agus a cuid obrach oillteil sna Malvinas. Chaidh ‘Sheep Farming in the Falklands’ a cheannach na dheich mhìltean is dh’fhuirich e sna Indie Charts fad greis mhath. Chaidh a dheasbad cuideachd le buill-phàrlamaid Toraidh is iadsan a’ cur às an corp mu’n droch bheul a thig gu bàrr gu math tric sa chlàr. Missing the point gu tùr likes, ach fhuair Crass am miann agus an leòr den oxygen of publicity. Co-dhiù, am measg glaodhrach fhùilteach nam meadhanan, chualas guth an-aghaidh an caitheamh bheatha a bha seo. S iomadh doimhneachd dhan deach na meadhanan againn agus mar shamhla air seo se an Sun a sgreuch ‘Gotcha’ as deidh dhan Chabhlach Rìoghail bàta Argentine a chur fodha is e ann an uisgeachan eadar-nàiseanta is pìos mhath bho na h-Eileanan Falkland. Se eucoir cogaidh a bha seo ma bha a leithid riamh ann. A-rèir Chrass, ‘How does it feel to be the mother of a thousand dead?’. Cha d’fhuair sinn freagairt.

An-diugh sna naidheachdan, tha Broon is Blair fhathast an àmhaich a chèile. Dà mhanachan den aon tòin mar a thuirt Seòras ‘Maiseach’ Gallowa. Cuideachd, tha an Senate ann an Stàitean Mallaicte Aimearaga air codhunadh nach robh ceangail eadar Saddam agus Al ‘Moireasdan’ Qaeda. Cha mhotha gun robh Feòileadair Bhagdad a’ sireadh armachd niuclasach. Cia mheud turas a dh’fheumas sinn giulan nam breug seo? Cia mheud balach òg a gheibhear bàs an raointean Afganistan agus Irac air sgàth a leithid de Bhlair, Bush is Rumsfeld? Cia mheud duine às na dùthchannan siud a thèid bho thìr nam beò gu tìr nan àireamhan air na naidheachdan? “23 eile air marbhadh an-diugh taobh a-muigh Mosc ann am Bagdad....”. Nach ionnsaich sinn a-chaoidh???

Your country needs you.

Fiosrachadh air Crass. bho Wikipedia

http://www.johnpilger.com/ - an làrach aig ITV

Agus mu dheireadh, beagan bheul-aithris bho Chrass, gu dearbh mholadh Iain Lom e!
Fuck off to the Falklands for your sea-faring fun
Big man's jerk off dreamland, looking down the barrel of a gun
Friggin' in the riggin' another imperialist farce
Another page of British history to wipe the national arse
The royals donated Prince Andrew as a show of their support
Was it just luck the only ship that wasn't struck was the one on which he fought?
Three cheers for good old Andy, let's take a pic for his mum
And stick it up the royal, stick it up the royal, stick it up the royal album

Aiseirigh no camhanach fuadain?

2006-09-03T16:05:00.000+01:00

Nach bu ghlòrmhor an sealladh an-de! Sgioba nàiseanta na h-Alba, is “ALBA” sgrìobhte airson a’ chiad uair air cul an lèintean, a’ breabadh sia dathan a’ chac (san t-seadh bhall-coise, tuigidh tu) às na h-Eileanaich Fàro. Chan fhacas uiread sonachais an taighean-seinnse ar dùthcha bhon a rinn sinn a’ chuis an-aghaidh nan Tìrean Iosal fo stiùir Bhertidh Vogts. Ach, nach be siud an sgioba nach tàinig gu bùil. Siubhal gun siucar, ma chunnacas a-riamh e.

Anns a’ chiad dol a-mach ge-tà, tha coltas gu math gealltanach air cuisean. “Cha b’iad ach na Fàraich”, thuirt cuid, ach be siud an dearbh rud nach b’urrainn dhuinn a dhèanamh gus o chionn ghoirid. Mas urrainn dhuinn seo a dhèanamh an-aghaidh nan sgioba beag is meadhanach agus mas urrainn dhuinn sabaid mar deamhain an-aghaidh nam balach mòr às an Fhràing agus an Eadailt, cò chanas nach bi sinn san fharpais Eòrpach an 2008. We have a dream. Nisd, cà bheil an ath h-Eardsaidh Gemmel?!

Se gnìomhan a dhearbhas ge-tà agus feumaidh sinn cluich a cheart cho math an-aghaidh Lithuania Diciadain sa tighinn. Lithuania? An ann aig Tynecastle sa bhios e? Siud sgeulachd eile.... agus seo Liotuanianach car cliùiteach an cois Creag Gordain, cùl-raonaidh na h-Alba. Beachd sam bith bho na Hibees dè bha iad ris aig an àm? Freagairtean fodha, mas e ur toil e.

Gàidhlig Na Lasair

2006-08-29T20:31:00.000+01:00

Seo agad e Roddy Atom! Sanas beag airson an CD agad. Feumar aideachadh gu bheil e math dhà rìribh, nas fheàrr na’n clàr ‘Gàidhlig mar Sgian’. Tha Mill a h-Uile Rud air ghleus an-seo – ‘Crath do Thòn’, abair classic! Atomgevitter... cho mental ri anything, seinn mar mac-dìolainn Kylie Minogue agus yon guy bho System of a Down. Sgoinneil. Agus a chuid as fheàrr bho Oi Polloi a thaobh an cuid òrain Ghàidhlig. Cuiridh ‘Saorsa do Vananu’ do chasan air dòigh is do cheann ri crathadh. Ach, mura h-eil taobh agad ri punc, feuch Nad Aislingean. Gu h-àraid ‘Pòg A-Rithist Mi’ – fonn anabarrach math is guth dha rèir.

Feuch na h-òrain aig a’ cheangail seo:
Meanbh-chlàr Gàidhlig Na Lasair (Problem? Records)

San eadraigin, seo agad Roddy Atomgevitter an cois neach-camara à Taiwan.

Cramond: Eilean nam Punc

2006-08-28T20:11:00.001+01:00

Thàinig mi beò as deidh na bha siud de cheòl is onghail agus gun cheann goirt is aithreachas. Thàinig na puncaich – mu 300 dhiubh -agus beagan Ghaidheal nam measg dhan eilean seo a shuidheas sa Linne Duibh faisg air Dùn Eideann. Faodar coiseachd a-null dhan eilean air cabhsair nuair a tha an tràigh ann, ach as deidh siud, chan eil air ach feitheamh fad uairean a thìde.

Cò chluich a-rèist? Chan ìongnadh gun robh Oi Polloi an-sàs ann agus nam bheachd b’e iad a b’fheàrr. Grunnan math òrain Ghàidhlig aca a-nis agus tha e coltach gu bheil fèill mhòr air an òran ùr aca ‘Ramalair Ruisgte’. Bha a’ chiad chomhlan Budd Hoskins math fhèin ciudeachd – fonnmhor agus beothail. Bha In Decades Decline cho puingal is comasach sa bha iad a-riamh ged a tha an cuid meatailt ùr caran trom dha mo chluasan mhaoth bhog! S iongatach 's gu bheil Murray à Aberfeldy a' cluich annta is Aberfeldy cho sèimh sàmhach.

Se bha buileach math ‘s gun robh grunnan math dhaoine a’ cabadaich sa Ghàidhlig. Daoine òg a thog a’ Ghàidhlig sa tha deònach a bruidhinn.

Meas mhòr dha Roddy à Atomgevitter. Bha esan a’ sgaoileadh a’ mheanbh-chlàr ùr aig Problem? Records. Siud ‘Gàidhlig Na Lasair’ agus tha 5 chomhlain, nach eil idir tràidiseanta (taing dhan donas), a’ seinn sa Ghàidhlig. S math is fhiach e èisteachd. Theirig an-seo airson fios agus blasad den cheòl:
http://www.myspace.com/problemrecordsuk

A bharrachd air na puncaich, bha sgioba teilidh à Taiwan an-siud cuideachd. Agus dha na Spàinntich a bha an-lathair, que dia en la isla de punk y muchos gracias por la Laphroaig!

Mallachd ar comainn... Dr. Laura choir....

2006-08-26T20:17:00.000+01:00

Gu sealladh an donais orm! Chaidh aithris fad is farsaing an-diugh 's gun deach Artur Boruc, cùl-raonaidh Celtic Ghlaschu, a rabhadh mu chuid ghniomhan aig geama an aghaidh nan Hun san t-seasain a dh'fhalbh. Sann a rinn e samhla na croise air beulaibh caogad mile dolas bigot aig eaglais mhòr Phàirce Ibrocs. Chan e Crìostaidh a th’annam a-muigh no a-mach agus ged a tha e car eibhinn dhomh a bhith a’ faicinn nan diadhaidh an àmhaich a-chèile, is beag orm gràin nan aineolach. Nach fadalach is sgìtheil na cogaidhean bith-bhuan eadar na Pròsdanaich agus na Caitligich. Chan eil fiosam dè as mo a chuireas car nam mhionach – an Luchd Buidhe (Iain Paisley agus a chuid leth-chiallach) no diadhachd is gràin ghlan na h-eaglaise Phàpaich.

Mar sin dheth, ged nach eil càil agam dha’n Luchd Buidhe agus na white trash a ghabhas ri na sràidean fom bratach, tha na Pàpaich a’ cur thairis len gràin aca fhìn. Gu h-àraid an-aghaidh bhoireannaich is fearas-feise.

Tha e ceart is iomchaidh a-rèiste, libhrigeadh, uair eile, dhan t-saoghal mhòr, an litir ionmholta a chuir cuideigin don Dotor Laura Schlessinger ga ceasnachadh gu geur mu cuid bheachdan àicheil chlaoin an-aghaidh fearas-feise. Tha e soilleir ge-tà gun èirich iomadach cèist eile bhon litir mun Bhìobaill air an fharsaingeachd. Se seo aoir às am biodh Iain Lom moiteil. Do Laura agus a samhail, rach air muin.

"I know that I am allowed no contact with a woman while she is in her period of menstrual uncleanliness (Lev. 15:19-24). The problem is, how do I tell? I have tried asking, but most women take offense."

http://www.positiveatheism.org/writ/drlaura.htm

Chemical Alaidh: “Cha d’rinn e càil idir”

2006-08-21T20:03:00.000+01:00

Chaidh leigeil fhaicinn an-diugh fhèin gun nochd an neach-polataigs ‘Chemical’ Alasdair Moireasdan ann an cuirt uaireigin an ath bhliadhna. Thathar a’ saoilsinn gun nochd e ann an ‘cuirt nan daoine’ ann an Cèitean 2007 san aon là a thèid an dùthaich dha na bothanan bhotaidh ann an Taghadh Nàiseanta Pàrlamaid na h-Alba.

“Cho olc ri clachan an t-sagairt”

Thèid a chur as leth Alaidh ‘s gun do thug e ionnsaigh air muinntir nan Eilean Siar le gas – aithnichte aig an U.N. mar ‘Suainmhòr’ – le bhith a’ siubhal mun cuairt is fosgladh a bheòil. Thuirt aon neach-fianias à Baile nan Cailleach, “Bha e dìreach sgriosail, aon mhionaid siud sinn a-muigh sa chroit a’ buain an fheòir agus an ath mhionaid sann a thòisich mo chuideachd a’ tuiteam air feadh an àite” Lean i oirre, “An uairsin chunnaic mi an trusdar bu choireach, thàinig luaran orm is dhiobhair mi air. Chunnaic mi na shùilean marbh gur e duine gun trocair a bh’ann, mar a chanas sin an-seo, ‘Cho olc ri clachan an t-sagairt”.

“A’ tuiteam mar chuileagan”

Thachair an dearbh rud air feadh nan eilean le Moireasdan a’ teàrnadh air bailtean is le aon mhèaran de chraos a’ cur an cadal air a’ bhaile gu lèir. Thuirt aon bhodach às a’ Bhac, “tha an troc chreutair siud air a bhith an-seo fad bhliadhnaichean gun càil sam bith a dhèanamh ach spàrradh oirnn beachdan a’ phàrtaidh aige”. Chan eil fhios cinnteach cò an ceannard aige. Tha Moireasdan fhèin a’ cumail a-mach gur ann à ‘Mac a’ Bhlàir’ ann an Lunnainn a gheibh e a chuid òrdaighean ach canaidh daoine eile gur e ‘Am Preasach’ a chumas rian air Alaidh. A-rèir mòran, se ‘Am Preasach’ leth-chiallach à Tecsas a dh’fhàs air leth beàrtach air prothaidean bhon iomairt an ola agus malairt armachd san Ear-Mheadhanach. Chan eil ceann-là cinnteach againn fhathast airson a’ chuirt ach thuirt Colonial Governor MacChonail gur dòcha gur ann sa Cheitean sa bhios e.

Fàg aige na choisinn e.

2006-08-20T20:58:00.000+01:00

Cuir clach air a chàrn.

Se tha gam fhàgail car diumbach ach an upraid a tha air èirigh, gu h-àraid sa Ghearmailt, mu’n sgrìobhadair Gunter Grass. Aideachaidh mi an-dràst nach mòr gu bheil air cluinntinn mu dheidhinn agus nach do leugh mi a-riamh càil dhen obair aige. A-rèir a h-uile coltas ge-tà, se obair ionmholta domhainn a th’ann. Ach se na tha e air dhèanamh airson gnothaichean an taoibh chlì agus airson sìth san t-saoghail sa tha toirt air cuid a dhaoine èigheachd mu’n duais Nobel a fhuair e leigeil às.

A dh’aindeoin mo chuid aineolais aig an duine, cha thuig mi carson a bu choir dha a bhith air cheannsachadh air sgàth rudeigin gòrach a rinn e na òige. Cia mheud againn nach d’rinn mearachd air choireigin is sinn nar deugairean? Agus ma thogar mur a dh’aidich e càil gu ruige seo! S iomadh òganach a ghabh ri donadas air choireigin ach a rèitich cuisean as a dhèidh. B’fheàirrde na daoine dubhach gearaineach Gearmailteach eile a chur fon phrosbaig – cò eile ach am Panzer Pope. Se an fhìrinn ‘s gun robh esan òg agus bog na bheachdan cuideachd ach se na beachdan mi-reusanta puinnseanta a th’aige san là an-diugh a dh’fhàgas mise ruideigin an-fhoiseil. Agus ged a dh’iarr e mathanas air na h-Iubhaich as leth na h-eaglaise aige tha e fhathast na cheannard aig buidheann a bheannaich na Nasaich. Se am Pàp Pius XII a tha aithnichte a-nis mar ‘Hitler’s Pope’ agus tha air dhealbhachadh air comhdaich LP aig Killing Joke.

Co-dhiù, fàg aig Grass (Mac ‘ill’an Fheòir?!) an duais aige agus na th’aige fhathast den chliu aige.

Seoc an Aonaidh

2006-08-19T20:18:00.000+01:00

Seo agad toileachas dhan t-sùil. Gill' an uilc bhon chomhlan phunc Oi Polloi ri spòrs le lasaran. Mar a thuirt cuideign à Leòdhas, Union Jack - Thall is cac.
Feuch seo airson an tuilleadh fiosrachaidh:
www.myspace.com/oipolloialba

Cac Sabbath...

2006-08-19T20:08:00.001+01:00

A good name for a band, no? Gus an teachdaireachd a thoirt dha na dolas diadhaidh air feadh na h-Alba, is nas fhaide fhathast.